Alfred Street (University of Auckland Store)
Are you sure you want to delete this address?
Te Mauri O Te Whare
Paperback Edition: 1
A collection of essays pertaining to Maori teaching, learning, place, history, and literature.
Ko te uhi o tenei pukapuka Te Mauri o Te Whare he mea hanga, he mea whakarite kia aro ki te takoto, piri tahi ki nga korero o tua, ki nga korero o
tenei ao kikokiko. Ko nga wahanga katoa o tenei uhi he rite tona ahua ki te tipuna whare. Ko te whakaara mai o te tahuhu hai pupuri i nga korero, ko nga heke o te tinana, ko te tihi hei whakaatu, hei tuku korero ki tena whakatipuranga, ki tena whakatipuranga. Ko te mauri o tenei whare, o tenei uhi he tohu whakaora, whakau, whakatinana, he tohu hei poipoi i te maramatanga. He tohu hoki tenei uhi i te ukaipo i te oranga o te korero, i te oranga o te whakaaro. Ora ana te ukaipo ka whakakitea tatau te hunga tuhi korero o tenei pukapuka o roto mai i nga hapori reo a-whanau, a-hapu, a-iwi, a-marae ki te hohonu, ki te ataahua o Te Mauri o Te Whare. E tika ana kia whakawhiwhia nga whakatipuranga ki a ratau ake korero ake, ake o Te Mauri o Te Whare. He aha koia nga taumata korero o tenei uhi? Anei ko te noho tahi mai o nga korero tuku iho, hitoria me nga korero o te ao hou maramatanga. Noho tahi mai ana enei korero o tenei uhi ko te kaupapa tena o te whakarongo rua kia tipu te mauri o nga korero tuku iho. Kia piritahi mai me nga korero o tenei ao hurihuri. Koia a whakarongo rua! Ko te ha o tenei uhi he tuku mohio, kia whakaoratia nga korero o nga kokona kainga o Te Mauri o Te Whare. He tinana kaitiakitanga tenei uhi, he tinana whakatere i te maramatanga o tai pari korero, o tai timu matauranga hou. Ahakoa nga whakaritenga hou ka puta i enei ra, me hoki ki Te Mauri o Te Whare ka tika! Kei konei te rau whakau matauranga, te rau whakatipu matauranga, te tatai o te putunga o te hohonu o te matauranga.Ko tenei uhi he tohu toi mana, toi te reo, toi te whenua. Toi whakaoho i a tatau ki nga hekenga korero a tatau ake. I korero ai Hoani Te Rangianiwaniwa Rangihau i te tau 1967. Ina tana korero: E hoki ki o maunga, ki o awa, ki wau ake korero kia purea koe e nga hau niwhaniwha o Tawhirimatea. Koia te matakite o tenei uhi he hoki, he whakaora mai i nga kokona korero o Te Mauri o Te Whare hei rau whakamatara i a tatau katoa haere ake nei nga tau.
Pages : 230
Publisher : NZ Council for Educational Res
Publication date : 2016
Subjects: Non-fiction, Published in New Zealand, New Zealand, NZ Education